عمارة رشدي ... ولا عمارة العفاريت
2 مشترك
صفحة 1 من اصل 1
عمارة رشدي ... ولا عمارة العفاريت
اكيد اى حد سمع عن اشهر عمارة فى اسكندرية اللى سكانها مش من البشر العمارة الاشهر فى مصر بحالها مش فى اسكندرية بس لكن الغريب .. هلى فعلا الموضوع حقيقيي ولا هو ميتعداش اكتر من موهبة شعبنا فى الاختراع وترويج الاشاعات لكن لما يقولك عمارة العفاريت عاملة ايه ... لازم تقف وتفكر وتقول عفاريت ايه وتفتكر بسرعة عمارة رشدي ..
عمارة رشدي عمارة غريبة جدا العمارة اللى اتبنت من الستنيات تقريبا ومن يوم ما اتبنت لحد دلوقتى لم يسكنها احد ويقال انها مسكونه ... بعيد عن ودن السامعين ... الغريب برضه اننا من صغرنا بنسمع كلام كتير عن العمارة لدرجة انى واحد من الناس اللى رسمتلها فى خيالى صورة من افلام الرعب ... حاجة كده زي قلعة دراكولا .. او تشبها وممكن تسمع فلان اللى يقولك انى كان لى واحد صحبي كان شغال فى البنزينه اللى فى وشها وكل يوم يسمع صويت بليل والشبابيك بتفتح وتتقفل واللى يقولك ده كان فى ظابط قال ايه الكلام اللهبل ده ودخل العمارة لقه نفسه تانى يوم فى الشارع ... واللى يقولك الحنفيات بتنزل دم .... واللى يقولك انت بتسمع صريخ بس ده مش صريخ انس ده صريخ غريب .... زي ما يكون اتنين من العفاريت بيتخنقوا على سرير
او اللى يقولك ممكن تقوم الصبح تلاقى غسيل متنشر وبليل بيتشال ...... وكتير قوي من الكلام ده
عمارة رشدي عمارة كانت لونها رمادي ودلوقتى اقتربت للسواد من عوادم السيارات غيرالشبابيك المتهالكة اللى فى منها مقفول وفيها مفتوح مفهوش شبابيك والشبابيك المفتوحة متشفش من وراها غير سواد من كتر الظلام العمارة كلها مش مسكونه ومفيهاش اي حاجة شغاله غير الجراج اللى بيخدم سكان المنطقة وبابها بتاع المدخل مقفول بجدار من الطوب مبني من زمان ....
وطبعا الرأي المشهور فى سبب قفلها هو رأي العفاريت ...
وطبعا فى اللى بيقول انها اتسكنت عشان هى اصلا كانت مسجد وصاحبها طمع فى الارض وهد المسجد وبناها
ومنهم اللى بيقول ان صاحبها ندر ندر لو ربنا عطا له فلوس وقدر يبنيها هيعمل الدور الاول مسجد ولما اتبنت طمع فيها
وفى اللي بيقول انها اتبنت على مصحف وقع من واحد من العمال
وفى اللى بيقول انهم كانوا مجموعة شركه ونصبوا على واحد فيهم فرملهم عمل وهما بينوا وطلعت العمارة عليه
وفى اللى بيقول ان العمارة صاحبها بناها ومات على طول ومازل فى خلاف بين الورثه حتى الان
وفى اللى بيقول ان الوريث الوحيد بره مصر وطلع الاشاعة ديه عشان محدش يسرقها وهو مش موجود
وفى حاجات كتير بتقال لكن
السؤال عمارة فى رشدي على شارع ابوقير فى مكان متميز زي ده ازاي اصحاب المقاولات سيبنها وموقعها متميز جدا ازاي عمارة فى مكان الشقة لا تقل عن مليون جنيه متروكة حتى الان ... ولو فعلا العمارة مسكونه هل لا يوجد فى مصر شيخ يقدر ينظفها ... وازاي السكان اللى حوليها قدرين يعيشوا ...
وبكده ينتهى الموضوع وستظل عمارة رشدي لغز لا يفهمه الكثيير وهناك من يقتنع فعلا بان بها سكان من العالم الاخر وهناك من لا يقتنع بهذه الخرفات ولكن يبقى السؤال لما هى متروكة حتى الان ....
عدل سابقا من قبل medo200039 في الإثنين يونيو 02, 2008 12:16 pm عدل 3 مرات
رد: عمارة رشدي ... ولا عمارة العفاريت
موضوع مميز جدا يا سيد ميدو وان كان دلوقتي موضوع العفاريت يعني ميدخلش الدماغ اد كده
يا عم
ما عفريت الا البني ادم
ده الانسان دلوقت يعفرت العفريت
بس لو الموضوع ده بجد يبقي فية حاجه غريبه
يا عم
ما عفريت الا البني ادم
ده الانسان دلوقت يعفرت العفريت
بس لو الموضوع ده بجد يبقي فية حاجه غريبه
رد: عمارة رشدي ... ولا عمارة العفاريت
والله مستر ايمن مقدرش اقول ان الحكاية دى حقيقية ولا كدب بس هناك
كلام كتير اوى
ولكن عمارة رشدي لغز لا يفهمه الكثيير وهناك من يقتنع فعلا بان بها سكان من العالم الاخر وهناك من لا يقتنع بهذه
الخرفات ولكن يبقى السؤال لما هى متروكة حتى الان ....
وهناك حكايات غريبة زى:
قضت محكمة شمال القاهرة للأحوال الشخصية بزنانيري بقبول اعتراض "الهام. م. ع" دبلوم معهد فني علي انذار طاعة
وجهه لها زوجها "مصطفي. س. س" 38 سنة صاحب شركة اتصالات لعدم توفر صفة الأمان في الشقة محل الطاعة
.
تضمنت القضية دعوي أقامتها الهام تعترض علي انذار طاعة علي شقة الزوجية الفاخرة باحدي المناطق الراقية.. والتي
رفضت الحياة فيها بعد ان مكثت بها 11 سنة وأنجبت طفلتين "8 10 سنوات".
قالت انها كانت تحب بيتها كثيرا ولكن بعد حدوث جريمة قتل في شقة جارتها تركتها وعرضتها للبيع بعد مقتل ابنتها فيها..
تحولت حياتها وحياة طفلتيها لجحيم فأصبحوا لا يستطيعون النوم الا في النهار لأنه بعد ان يحل الظلام كل ليلة يسمعون
أصواتا غريبة من الشقة الملاصقة فأصرت علي ترك الشقة بعد ان انتابتها حالة من الرعب.
انتدبت هيئة المحكمة اخصائية لمعاينة الشقة والتأكد من صحة أقوال الزوجة ووضعت الاخصائية تقريرها الذي أكد ان
الشقة المجاورة للشقة محل الطاعة حدث فعلا بها جريمة قتل منذ عامين وانها معروضة للبيع وان كل مشتري لا يمكث
بها الا يوم واحد ويفر منها في منتصف الليل بسبب الأصوات الغريبة والأشباح.
دى كانت القصة الاولى ولغز عمارة روشدى :
وطبعا فى اللى بيقول انها اتسكنت عشان هى اصلا كانت مسجد وصاحبها طمع فى الارض وهد المسجد وبناها
ومنهم اللى بيقول ان صاحبها ندر ندر لو ربنا عطا له فلوس وقدر يبنيها هيعمل الدور الاول مسجد ولما اتبنت طمع فيها
وفى اللي بيقول انها اتبنت على مصحف وقع من واحد من العمال
وفى اللى بيقول انهم كانوا مجموعة شركه ونصبوا على واحد فيهم فرملهم عمل وهما بينوا وطلعت العمارة عليه
وفى اللى بيقول ان العمارة صاحبها بناها ومات على طول ومازل فى خلاف بين الورثه حتى الان
وفى اللى بيقول ان الوريث الوحيد بره مصر وطلع الاشاعة ديه عشان محدش يسرقها وهو مش موجود
وفى حاجات كتير بتقال لكن
السؤال عمارة فى رشدي على شارع ابوقير فى مكان متميز زي ده ازاي اصحاب المقاولات سيبنها وموقعها متميز جدا
ازاي عمارة فى مكان الشقة لا تقل عن مليون جنيه متروكة حتى الان ...
وازاي السكان اللى حوليها قدرين يعيشوا ...
وبكده ينتهى الموضوع وستظل عمارة رشدي لغز لا يفهمه الكثيير وهناك من يقتنع فعلا بان بها سكان من العالم الاخر
وهناك من لا يقتنع بهذه الخرفات ولكن يبقى السؤال لما هى متروكة حتى الان ....
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى